Thursday 10th July 2025

युक्रेनमा रूसी आक्रमणपछि अहिलेसम्म ३ हजार बढीको मृत्यु


युक्रेनमा रुसी आक्रमणको क्रममा हालसम्म ३ हजारभन्दा धेरै नागरिक मारिएको संयुक्त राष्ट्रसंघले जनाएको छ । संयुक्त राष्ट्र मानवअधिकारको कार्यालय (ओएचसीएचआर)ले सोमबार यसबारे जानकारी दिएको हो । युक्रेनमा गत फेब्रुअरी २४ मा रुसले आक्रमण गरेयता मृत्यु हुनेको संख्या ३ हजार १ सय ५३ पुगेको ओएचसीएचआरले जनाएको हो ।

यद्यपि कतिपय मृत्युका घटना पुष्टि गर्न कठिनाइ भएकाले मृत्यु हुनेको वास्तविक संख्या अझै धेरै हुनसक्ने आकलन गरिएको छ । यसरी मृत्यु हुनेमा धेरैजसो क्षेप्यास्त्र आक्रमण र हवाई हमलालगायत विस्फोटक हतियारहरूबाट मारिएको बताइएको छ ।

रुसले भने युक्रेनलाई निशस्त्रीकरण गर्न र फासीवादीहरूबाट जोगाउनका लागि आफूले ‘विशेष अपरेशन’ गरेको दाबी गरेको छ । साथै यो युक्रेन र पश्चिमाहरूको निराधार आरोप भएको जिकिर गरेको छ ।

अन्तर्राष्ट्रिय मिडियाका अनुसार रुसी आक्रमणपछि युक्रेनबाट दसौं लाख मानिस सुरक्षित स्थानतर्फ विस्थापित भएका छन् । साथै २ सयभन्दा धेरै संख्यामा बालबालिकाहरू पनि मारिएको बताइएको छ ।

बेलायत, अमेरिकासहित देशहरूले भने युक्रेनलाई मानवीय सहायताका लागि आफू तयार रहेको प्रतिक्रिया दिएका छन् । यसबीचमा युक्रेनका राष्ट्रपति भोलोदोमिर जेलेन्सकीले विभिन्न देशका प्रमुखहरूसँग भेट गरिसकेका छन् । यही साताको सुरुमा बेलायतका प्रधानमन्त्री बोरिस जोन्सनसँग जेलेन्सकीले टेलिफोन वार्ता गरेका थिए ।


सम्बन्धित शीर्षकहरु

तितोपाटी-अखिल नेपाल फुटबल संघ (एन्फा) र महिला फुटबल टिमका प्रमुख प्रशिक्षक प्याट्रिक डे वाइल्डबीच बिबाद झन् बढेको छ । एन्फाले…

तितोपाटी -नेपाल पत्रकार महासंघ वैदेशिक शाखा कुवेतले एक कार्यक्रमको आयोजना गरि नेपाली राजदूतावास कुवेतका प्रथम सचिवद्वय प्रेम राज गौतम र…

मिडिया रिपोर्टका अनुसार, यमनी नागरिकको हत्या गरेको अभियोगमा दोषी ठहरिएकी भारतीय नर्स निमिषा प्रियालाई जुलाई १६ मा मृत्युदण्ड दिइनेछ। गत…

प्रतिकृयाहरू
...