तोयानाथ उपेक्षित, तीतोपाटी /आफ्नो देशको प्रचार प्रसार गर्नु र देशलाई विश्वमाझ चिनाउन प्रयास गर्नु सारा नेपाली नागरिकको कर्तव्य बन्छ त्यसमा पनि मुलुक बाहिर रहेका नेपालीहरु र त्यहाँ रहेका नियोगहरुले झन धेरै प्रयत्न गर्नै पर्छ ।
कुवेत स्थित नेपाली राजदूतावासले आज एउटा त्यस्तै सहरानिय काम गरेको छ । कुवेतको सडकमा रातो रंगका सिटी बसमा नेपाली झण्डा सहितका रंगिन पोष्टर बोकेर गाडीहरु कुदेको देख्न सकिन्छ । नेपाल र कुवेत बीच कुटनैतिक सम्बन्ध स्थापना भएको ५० वर्ष को सन्दर्भ पारेर ती गाडीहरुमा उक्त संदेश सामाग्रिहरु राखिएको हो । जुन सम्बन्धको श्रीगणेश ईस्वि सम्बत १९७२ मा भएको थियो ।
दुतावासको अफिसियल फेसबुक पेजमा एक कार्यक्रमका विच उक्त कार्य शुभारम्भ गरिएको समाचार र सम्बन्धित तस्विरहरु आज पोष्ट गरिएका छन । नेपाली राजदुतावासको अनुरोधमा सिटी ग्रुपले आफ्ना सार्वजनिक बसहरुमा निशुल्क रुपमा उक्त सहयोग गरेको हो । सिटी ग्रुपका सिईओ डाक्टर धिरज भारध्वज र नेपाली राजदुत दुर्गा प्रसाद भण्डारीले संयुक्त रुपमा रिवन काटेर उक्त कार्यको अनावरण एक कार्यक्रममा गर्नु भएको थियो ।
सिटी ग्रुपले कुवेतमा संञ्चालन गरेको सिटी बस यहाँको सवै भन्दा धेरै लोकप्रिय र आरादायी सार्वजनिक यात्रु बहाक सवारी साधन हो । करिब ३ दर्जन रुटमा उक्त बसले आफ्नो सेवा विस्तार गरेको छ । दुई तले गाडीहरु पनि सो कम्पनीले केही वर्ष यता कुवेतमा भित्र्याएको छ । जसलाई कुवेतको सडक अनुरुप नै डिजाईन गरिएको बताईन्छ ।
सन २००२ मा स्थापना भएको सिटी बसले कुवेतको सरकारी यातायात सेवा लाई लगभग बन्द हुने स्थितीमा पुर्याएको छ । एक तथ्यांक अनुसार सिटी बसमा एक बर्षमा करिब ४ करोड ८० लाख मानिसले यात्रा गर्ने गर्दछन । उक्त बसमा काम गर्ने कामदारको संख्या हालका दिनमा १५ सय रहेको छ ।
नेपालमा एउटा बस मा यात्री ओर्सानका लागि औसतमा ३ जना कर्मचारीले काम गर्ने गरे पनि यहाँ भने नेटवर्क प्रविधी जडान भएकाले गर्दा पैसा उठाउने वा ढोका सिटी बजाउने कर्मचारी हुने गर्दैनन । सवै काम एक जना ड्राईभरले समालि रहेको हुन्छ । सीटी बस चलाउनेमा नेपाली ड्राईभर पनि प्रसस्तै छन ।
नेपालको प्रचार प्रसार लाई आपसी देशको कुटनैतिक सम्बन्धको ५० वर्षको सन्दर्भ पारेर जे गरियो उक्त काम प्रशंसनिय पक्कै छ । यसका लागि नेपाली दुतावासलाई मुरीमुरी धन्यवाद ।
