तीतोपाटी काठमाडौं – कुवेतलाई रोजगारीको थालो बनाएकी झापाकी सविना किस्कु(सतार) र सिराहाका ज्ञानदेव महतोको शब आज काठमाडौं ल्याइ पुर्याइएको छ । कतार एयरवेजबाट ल्याइएको शब मृतकहरुका आफन्तले त्रिभूवन विमानस्थलमा बुझेका हुन ।
राहदानी नम्बर १०७४२६३८ भएकी ३४ बर्षिय सबिना किस्कुको हृदयघातका कारण अक्टोबर २० तारिख मृत्यु भएको थियो । किस्कु श्रम स्वीकृति नलीएरै भारतीयबाटो हुँदै घरेलु कामदारको रुपमा कुवेत पुगेकी हुन । पछिल्लो समयमा आफ्नो साहु (स्पोन्सर)को घरबाट भागेर लुकेर काम गर्दै आएकी किस्कुको शब ल्याउन समेत सहयोग रकम उठाइएको थियो ।
प्रवासी नेपाली ट्याक्सी ब्यवसायी संघका अध्यक्ष सुनबहादुर तामाङको पहलमा कुवेतमा रहेका नेपालीहरुले ३८५ केडी(नेरु करिब १ लाख ५० हजार) सहयोग रकम उठाएर दूतावासमा बुझाए पछी मृत्यु भएको डेढ महिना पछी सबिनाको शब ल्याउन सकिएको हो ।
आर्थिक समस्याकै कारण झापाबाट आफ्नो छोरीको शब बुझ्न किस्कुको अभिभाबक काठमाडौं आउन नसके पछी प्रदेश सभा सदस्य बसन्त कुमार बानियाले किस्कुको शब बुझेका थिए । प्रदेश सभासद बानिया र वार्ड सद्स्य कौशल्या अधिकारिको पहलमा शबलाई झापा पुर्याउने ब्यवस्था गरिएको छ।
त्यसै गरी राहदानी नम्बर ०७६५७७२१ भएका ५० बर्षिय ज्ञानदेव महतोको हृदयघातका कारण डिसेम्वर-२ तारिख मृत्यु भएको थियो । कुवेतमा सेक्यूरिटी गार्डको रुपमा काम गर्ने महतो कार्यस्थलमै ढलेको बताइएको मृतकका छोरो कासेन्द्र प्रसाद सिंह वताउछन ।
बिगत ७ बर्ष देखी छुट्टी नआएका ज्ञानदेव अर्को महिना छुट्टी आउने तयारीमा थिए। उनको शबलाई बैदेशिक रोजगार बोर्डले उपलब्ध गराएको शब बहानमा सिराहा लगेर अन्त्येष्टि गरिने छ्।
