Friday 4th July 2025

गैरकानुनी रूपमा कतारमा रहेका आप्रवासी कामदारलाई आममाफी


तितोपाटी- कतारमा अवैधानिक रुपमा बस्दै आएका विश्वका विभिन्न देशका नागरिकलाई सरकारले आममाफी दिने भएको छ।

सरकारले आममाफीका लागि एक समय सीमा तोकेको छ। आममाफीको समय १० अक्टोबरदेखि ३१ डिसेम्बरसम्म हुने छ। उक्त समय अवधिमा देश फर्किन चाहाने गैरकानूनी हैसियतका कामदारलाई सरकारले बिना कैद र बिना जरिवानासहित आममाफी दिएको कतारको आन्तरिक (गृह) मन्त्रालयले जनाएको छ ।

मन्त्रालयका अनुसार कतारको आवासीय अनुमति पत्र (कतार आइडी) म्याद सकिएका, वर्क परमिट बिना काम गरिरहेका र पारवारिक भिसाको नियम उल्लघंन गरेका आप्रवासी श्रमिकलाई आममाफीको व्यवस्था गरिएको हो ।

आममाफी प्रकृयामा सहभागी हुन त्यस्ता कामदारले सर्च एन्ड फलो अप डिपार्टमेन्टमा वा आन्तरिक मन्त्रालयको उम सलाल , उम सुनैम ( पहिलेऔधोगिक क्षेत्र) , मेसाइमिर , अल वक्रा र अल रयान सर्भिस सेन्टरमा दिउँसो १ देखि बेलुका ६ बजेसम्म नाम दर्ता गराउनु पर्नेछ।

२०१५ को कानून नं २१ को ‘मेलमिलाप’ प्रावधान अनुसार यस्तो व्यवस्था गरिएको मन्त्रालयले जनाएको छ । आममाफी कार्यक्रममार्फत कतारमा रहेका थुप्रै अवैधानिक नेपाली कामदारहरु लाभान्वित हुने अपेक्षा गरिएको छ।-साभार प्रवासखबरबाट


सम्बन्धित शीर्षकहरु

गुलाम नवी मन्सुर - विद्यादेवी भण्डारीको यात्रा कुनै सामान्य राजनीतिक इतिहास होइन। एउटा विद्यार्थी नेतृबाट सुरु भएको यो यात्रा आज…

एएफसी एसियन कप छनोट प्रतियोगिता अन्तर्गत आफ्नो दोस्रो खेलमा नेपालले श्रीलंकालाई ८-० गोलले पराजित गरेको छ  । उज्वेकिस्तानमा भएको खेलमा नेपालले…

वासिङ्टन: राष्ट्रपति डोनाल्ड ट्रम्पले मंगलबार इजरायलले गाजामा ६० दिने युद्धविरामको लागि सर्तहरूमा सहमति जनाएको र अवस्था बिग्रनु अघि हमासलाई सम्झौता…

प्रतिकृयाहरू
...