नारायण कोइराला – आफुपनि मुसुक्क हाँस्ने अरूलाई पनि बेस्सरी हसाउँने ओली बा । बुढेसकालमा पनि तन्नेरीहरुले नचाउने ओली बा । आफ्नै मित्रहरूलाई फसाउने देशवासीलाई गदगद हसाउँने । समय सग लड्न सक्ने न अरूको सुन्ने न अरूलाई बोल्न दिने । आफैं हर्ता आफैं कर्ता । मौका पाए जोड्ने । नजोडिदै तोड्न बाध्य बनाउने । पानी आउँछ भन्ने तर आकाशमै बादल घुमाउने।नत त्यो पानी जमीनमा झारेर जनताको तिर्खा मेटाउने । नत जमीन सिंचाई गराउने । कस्तो कला , अचम्मको।हिजो जिताउँछु भनेर ल्याउने फेरि हराउने । हराउन र जिताउन माहिर ।उ चाल्न र पछार्न त झन अम्बल ।
पत्याउने पनि उस्तै। जसरी भएपनि कुर्ची चाहिने।पछारिए पनि उनैले उठाउन पर्ने।कुर्चीको लोभ देखाएपछि पछारिएको बिर्सने। कस्तो कुर्ची मोह,आहा भानेर बसिरहनु पर्ने । हिम्मत कस्तो जनताले दिएको भोटको अवहेलना गर्ने।कति महान् तिनीहरू न त लाज न डर ।के भन्नु खोई। पुरुषार्थी भन्ने कि , हुतिहार्रा।एउटै कुरो गर्ने आफ्नैलाई बनाउने अनि आफै रमाउने।जनता रुने उनीहरू आशु नपुछने।जनताको भोट गन्ने मात्र,शासन आफ्नो चलाउने।जनतालाई सिलिन्डर उपलब्ध नगराउने ,आफ्ना नेतालाई हारे पनि मन्त्री चाहिँ बनाउने। न भोटको महत्त्व न जनताको चोटको। महत्त्व केवल नोट र पोस्टको।जनताको रुवाई ,नेताको रजाइँ।
हस्पिटल भरिभराउ,संसद भवन पनि भरिभराउ । फरक यति मात्र,हस्पिटल बिमारीले संसद भवन कुर्ची पाउने आशाले । कुर्चीको लागि जति पनि बर्सने । सपनीमा पनि तर्सने । जनता रुँदा मौन बस्ने । जेसुकै होस् भनेर मुख बन्द राख्ने । रातभरि मस्त निद्रामा निदाउने । भएकाे सामग्रीमा पनि कमिसन मिलाउने। यस विषयमा बोल्यो भने धम्काउने। राता राता लुकिछिपी भागबन्डा मिलाउन । जनतालाई घरमा थुन्ने आफू क्याफे र राष्टपति भवन घुम्ने । जनताको निद कोरोना कहरले उड्ने । यिनका निद कुर्ची पाउने कि गुमाउने भन्ने कुरामा घुम्ने ।
प्रतिपक्ष पनि कुर्चीको आशामा दौडिने।जनता मृत्युको सागरमा पौडने ।न यिनी बचाउन जाने । न यिनको मनले तरस् खाने । बरु रातिराति चिया खान ओलीबाको अगाडि जाने । कस्तो अचम्म चिया पिउन रातिमा पनि ढोका खुल्ला । जनता दिउँसै हस्पिटलमा बेड नपाएर सिडीमा लम्पसार।
अनि अर्को तर्फ कस्तो हस्ताक्षर पक्षमा पनि विपक्षमा पनि । विपक्षमा पनि आफनै पक्ष पनि आफ्नै । यस्तो अवस्थाबाट राष्टपति भवन भित्र खैलाबैला । अब के गर्ने? प्रश्नै, प्रश्न । रातभरि जनता हस्पिटलमा नर्स, डाक्टर बीमारी बचाउने कसरतमा । नेताजीहरु अब के गर्ने भन्ने क्षलफलमा । न त पक्षको बन्यो, न प्रति पक्षको । देश चुनावमा होमियो । ओली बा मुस्कुराई रहे । नेता चुनबाको तयारीमा । जनता भोक ,रोग र शोकको लडाइँमा । अब यही त होलानी महामारी बढाउने चुनाव गराउने ।
नारायण कोइराला
तासेन , पाल्पा
हाल, यूएई।
