सामान्तीको अचानोमा तरीएका हामी रैछौँ ।
अझै पनि दासत्वमा दरीएका हामी रैछौँ ।
यो देशका दुई नम्बरी राजा द्यौता भिक्षुलाई ,
चढाईने सङ्कल्प नै गरीएका हामी रैछौँ ।
बेरोजगार युवाशक्ती श्रम गरि खानलाई ,
देश विदेश मुग्लानमा छरीएका हामी रैछौँ ।
जिवीकाको खातिरमा जसो भने पनि मान्ने ,
रोग भोक अभावले खरीएका हामी रैछौँ ।
तन मन धन पनि त्यो भ्याएसम्म लुट्नेहरु ,
अजराको आदेशले जरीएका हामी रैछौँ ।
**
टहल आचार्य
कालिञ्चोक ८ सुनखानी दोलखा
बागमती प्रदेश
