होली पूर्णिमाको सबैमा शुभकामना!
संस्कार अनि संस्क्रति थाम्न सिपालु नेपाली
अनेक पर्व ठुला र साना मान्दछन् गोर्खाली
बसन्त आयो कोइली गायो सर्वत्र उज्यालो
रुखमा पनि पालुवा लाग्यो सुनौलो जीवनी ।🌷🙏🌺
आएछ होली लोकको बोली मायामा नाचौँला
मायाकी साक्षी मायालु राखी साथमा हाँसौला
मायालु मेरी टाढा छिन् ऐले खबर छाडौँला
अन्लाईन् तिर आऊ है सानु डाक्दछु यो बेला ।🌷🙏🌺
सम्झना आयो यो मुटु खायो पुरानो कुराले
होलिको दिन रमाइलो छिन बितेको मजाले
मन मेरो रोयो कसरी छोयो शनिको दशाले
रिसाए शनि जा मूर्ख टाढा पाताल खसाले ।🌷🙏🌺
जान्दैनन् यहाँ बसेका मान्छे होलीको महत्व
पैसामै जान्छ सारा दिन बित्छ पैसाकै महत्व
जमाना आज अनौठो आयो संस्कार हरायो
लोकमा मान्छे आधुनिक बनी सर्वस्व गुमायो ।🌷🙏🌺
मान्छेको भित्र लुकेर बस्ने दुइटा भाव छन्
देउता अनि दानब भनी मान्छेले चिन्दछन्
नराम्रा भाव राक्षस भए राम्रा छन् देउतााका
खराब कुरा अग्निमा राख्ने रूपमा होलिका ।🌷🙏🌺
हरि शर्मा (सुवेदी)-गलकोटे कवि
मिशिगन अमेरिका ।🌷🙏🌺
