स्यादिन्द्रवज्ज्रा यदि तौ जगौ ग: ।~🌷🙏🌺
सुन्दैछ साने गुरुले भनेको
सन्तुष्ट साने सब यो सुनेको
सिक्दैछ साने उनले गरेको
सत्कार साने गुरुको गरेको ।🌷🙏🌺
संसार जान्ने गतिलो उपाय
सद्धर्म घुम्ने अणिमा बढाए
सत्कर्म गर्दा सबको भलाई
सन्मार्ग चुन्दा महिमा बढाइ ।🌷🙏🌺
सम्भ्रान्त बेला गरिमा बढाऊँ
सन्ताप पर्दा लघिमा समाऊँ
भो प्राप्ति भन्दा घरमा रमाऊँ
सन्दीप्त बन्दै जगमा उदाऊँ।🌷🙏🌺
प्राकाम्य बुझ्दा क्षमता बढाइ
सम्मान राख्दा नहुने लडाइँ
ती ईशिताले सबको भलाई
सम्भ्रान्त बन्दा गरिमा चुटाइ ।🌷🙏🌺
सन्तोष साथी गुनिलो जगको
सत्सङ्ग गर्दा वशिता उदायो
यी सिध्दि आठै जनले चुनेमा
सद्बुध्दि बस्ने महिमा सुनेमा ।🌷🙏🌺
हरि शर्मा (सुवेदी)- गलकोटे कवि
मिशिगन, अमेरिका ।🌷🙏🌺
