अनन्त यात्राको बटुवा हुँ म, बाटो देखाइदेउ।
लक्ष्यबिन्दुमा पुग्नु छ मैले, साहस भरिदेउ।
अन्धकारमा रुमल्लिरहेछु म, उज्यालो छरिदेउ ।
अज्ञानतामा लट्लिरहेछु म, ज्ञानबुद्धि भरिदेउ ।
दुविधामा अलमलिरहेछु म, सत्मार्ग देखाइदेउ ।
फोहोर दलदलमा फसेको छु म, हिमाल देखाइदेउ ।
कर्तब्य बिहिन मगनमस्त छु म, यथार्थ सम्झाइदेउ ।
मानविय गुणलाइ बिर्सिसकेछु म, मानवता जगाइदेउ ।
सहानुभूति होइन मलाई,उत्साहित बनाइदेउ।
अन्धकार यो अन्तरात्मा भित्र ज्योति बालिदेउ ।
-इन्द्रबान्तवा देवा’
कटुन्जे भोजपुर
हालः कुवेत ।
