गजल
हिमाल बाट तराई तिर झरम झरम लाग्यो ।
देशैभरी शान्तिको बीउ छरम छरम लाग्यो ।
प्रिया तिम्रो स्पर्शले गर्दा भाको होकि यस्तो,
पुस माघको जाडो पनि गरम गरम लाग्यो ।
तनै भरी मनै भरी लै छपक्कै हुने गरि,
नमेटिने मायाको रङ्ग भरम भरम लाग्यो ।
एक अर्कामा दुख सुख साटि मिठा बात गर्दै,
बर्षा यामको खोला सङ्गै तरम तरम लाग्यो ।
तिमी सङ्गै जिउने मर्ने चाहना यो बढेपछि,
सबै छोडि बसाइँ तेतै सरम सरम लाग्यो ।
-प्रतिमा शिवाकोटी
कालिन्चोक गा पा ८, सुनखानी दोलखा
बागमती प्रदेश ।
