तितोपाटी- नेकपा प्रचण्ड-माधव नेपाल समूहका अध्यक्ष पुष्पकमल दाहाल ‘प्रचण्ड’ले पूर्वप्रधानमन्त्री तथा जनता समाजवादी पार्टीका संघीय परिषद्का अध्यक्ष डा. बाबुराम भट्टराईको पुस्तक ‘गुमनाम आमाहरूको कथा’ विमोचन गरेका छन् ।
जनयुद्ध दिवसको अवसर पारेर बालुवाटारस्थित एक पार्टी प्यालेसमा आयोजना गरिएको पुस्तक विमोचन कार्यक्रममा मञ्च सेयर गर्दै प्रचण्डले आफूहरू अहिले पनि एउटै मोर्चामा रहेको बताए । प्रचण्डले अहिले आफ्नो पार्टी फरक भए पनि इतिहासका कार्यहरूले डा. भट्टराई र आफूलाई अलग हुन निदिने बताए ।
‘अहिले बाबुरामजी र म एउटै पार्टीमा त छैनौँ । तर, मुद्दाको हिसाबले हामी फेरि एउटै मोर्चामा छौँ,’ उनले भने, ‘इतिहासको आफ्नो कर्मको कारणले हामी अलग हुन खोज्दा पनि चुम्बकले तानेजस्तो हाम्रा आफ्ना कर्मले हामीलाई नजिक ल्याई नै राख्छ। हामीलाई अलग हुन दिँदैन ।’
हजारौँ सहिद, घाइते र बेपत्ता भएका योद्धाहरूले आफूहरूलाई अलग हुन नदिने पनि उनको भनाइ थियो । उनले ‘गुमनाम आमाहरूको कथा’ भित्र रहेका रचनाहरूले हिजोका स्मरण, अनुभव, अनुभूति ताजा भएर आएको बताए ।
उक्त कार्यक्रममा नेपाली कांग्रेसका वरिष्ठ नेता रामचन्द्र पौडेलले पुस्तकमा समाजको चित्र प्रस्तुत गरिको बताए । राष्ट्रिय आत्मविश्वासको संकट परेको उल्लेख गर्दै सबैका प्रतिनिधिहरूको निर्णायअनुसार सरकार चल्नुपर्ने बताए ।
कार्यक्रममा जसपाका वरिष्ठ नेता अशोक राई र लेखक/विश्लेषक तुलानारायण शाहलगायतको सहभागिता रहको थियो । फाइन प्रिन्टद्वारा प्रकाशित उक्त पुस्तकमा भट्टराईले जनयुद्धकालीन प्रशंगहरूलाई रहेका छन् ।
