Sunday 24th January 2021

छायाँकनमा ‘दुईटी स्वास्नीको पोइ कुना पसी रोइ’


कोरोना कहर यथावत रहेपनि कलाक्षेत्रका बिभिन्न गतिबिधिहरु भने सुचारु हुन थालेका छन् । फिल्म हल खुलेसँगै फिल्म तथा टेलिशृङ्खलाहरुको छायाँकनले गति लिन थालेका हुन् । यस्तैमा गोपाल ढकाल ‘छन्दे’को मुख्य भुमिका रहेको हाँस्य टेलिशृङ्खला ‘दुईटी स्वास्नीको पोइ कुना पसी रोइ’को पनि छायाँकन सुरु भएको छ । बुधबारबाट छायाँकन सुरु भएको शृङ्खला काठमाडौँको काभ्रेस्थली भेडीगोठ क्षेत्रमा छायाँकन भैरहेको कलाकार गोपाल ढकालले बताए ।

टेलिभिजन तथा यूट्युवबाट एकसाथ बाहिर ल्याउने उदेश्यले निर्माण भइरहेको श्रृंखलाले समसामयिक तथा पारिवारिक विषयवस्तु कथाको रुपमा उठाएको छ । एसकेएस फिल्मस्को प्रस्तुतिमा निर्माण थालिएका, गीता नेपाल ‘दाउरी’को लेखन रहेको शृङ्खला ज्ञानकुमार कट्टेलले निर्देशन गरिरहेका छन् ।

शुभेच्छा थापा, विद्या कार्की, विशाल पहाडी, गोपाल ढकाल ‘छन्दे’, सुशिला निरौला ‘बिम्ली’, गीता नेपाल ‘दाउरी’, पुरुषोत्तम खड्का, चिन्तामणि पोखरेल, आयुष दाहाल, आयुष कार्की, कृष्ण खड्का, रामकृष्ण नेपाल, विजया बडाललगायतको अभिनय शृङ्खलामा रहनेछ । शृङ्खलाका छायाँकार राजु श्रेष्ठ हुन् ।

-रातोपाटीबाट

 


Loading...
सम्बन्धित शीर्षकहरु

तितोपाटी- कुवेतमा कार्यरत आप्रवासीहरुका लागी उपलब्ध गरिने सिविल आइडी कार्डलाई कुवेत सरकारले रद्द गर्ने भएको छ। कुवेतस्थित आंतरिक मंत्रालयको उक्त…

तितोपाटी- कुवेत सरकारले दुई हप्ताका लागि हवाई यात्रुहरूको संख्या घटाउने निर्णय गरेको छ।आइतवार अर्थात भोली २४ जनवरीदेखी उक्त निर्णयको लागु…

गजल अर्कान : १२२२.२१२-१२२२.२१२ बहर: मुजारे महजुफ काफिया:अन/अन् रदिफ : कुनै उनी बोल्दा लाग्दथ्यो गरौँ आन्दोलन कुनै । जिताएथ्यौँ भोटले…

प्रतिकृयाहरू