~मरेर आखिर मट्टिमा मिल्छ भौतिक देह यो~🌷🙏🌺
~लोक छन्द: झ्याउरे~🌷🙏🌺
दुधमा नौनी काठमा आगो लुकेर बस्दछ
बाहिरी रूप हेरेर झट्ट कसले देख्दछ ?
इश्वर हाम्रो हृदयभित्र कुनामा बस्दछ
अज्ञानी जन बुझ्दैन किन ज्ञानीले बोल्दछ ।१।🌷🙏🌺
परोपकार परम धर्म शास्त्रले बोल्दछ
अरुको सेवा गरेमा मान्छे विशाल बन्दछ
धर्मको मर्म नबुझ्दाखेरि अन्योल पर्दछ
भौतिकवादी आजको मान्छे स्वार्थमा लिप्त छ ।२।🌷🙏🌺
भौतिक वस्तु सुखको श्रोत देख्दछ मानव
यसैको बश परेर जाँदा बेहोरा दानव
मानव अनि दानव भनी मान्छेको विचार
असल अनि खराब बानी बोकेको आधार ।३।🌷🙏🌺
पशु र मान्छे दुवैको एकै आहार बिहार
चेतना साथ भएको मान्छे गर्दछ विचार
बचाऊँं बाँचौ धर्मको मर्म भएको मानिन्छ
विवेक साथ भएको मान्छे श्रेष्ठमा गनिन्छ ।४।🌷🙏🌺
हरेक धर्म अनेक रूप ईशका मानिन्छ्न्
आखिर एकै ईशको रूप ज्ञानीले भन्दछ्न्
मानव बनी मानव बाँच्न सिकेमा उत्तम
हरेक धर्म राख्दछ सदा ज्ञानको चाहना ।५।🌷🙏🌺
स्वर्ग र नर्क पाप र पुन्य राम्रो र नराम्रो
अनेक थरी इश्वर मान्ने संस्कृति छ हाम्रो
मानव शक्ति प्रकृति पूजा इशको रूप हो
विष्णुको अनि शिवको पूजा मानव शक्तिको ।६।🌷🙏🌺
भनेमा कतै अनर्थ होला जस्तो त लाग्दैन
तापनि मान्छे खै किन होला सोचमा डुब्दैन
मरेर आखिर मट्टिमा मिल्छ भौतिक देह यो
मानव किन गरेको होला मुसाको दौड त्यो ।७।🌷🙏🌺
-हरि शर्मा(गलकोटे कवि)
मिशिगन, अमेरिका । 🌷🙏🌺
