तितोपाटी- कोरोना महामारीका कारण रोक लगाएको कुबेतले प्रतिबन्धित देश नेपालसहित ३४ देशहरूबाट ७ दिनको होटल क्वारेन्टाइन बस्ने गरी श्रमिकहरुलाई प्रवेशमा अनुमति दिने भएको छ
कुबेतको स्वास्थ्य मन्त्रालयका अधिकारीहररुले दिएको जानकारी अनुसार अब स्वास्थ्य मापदण्ड अपनाएर विभिन्न मुलुकबाट श्रमिकहरुलाई प्रवेशको अनुमति दिने तयारी थालिएको हो ।
यहाँको स्वास्थ्य मन्त्रालयले कुवेत अन्तर्राष्ट्रिय विमानस्थलको १७ नोभेम्बरदेखि २४ घण्टा नै खोल्ने तयारी थालेको छ ।
प्रतिबन्धित देशहरूबाट आएका यात्रुहरूले सबै स्वास्थ्य मापदण्डको पालना गर्नुपर्ने तथा अनिवार्य संस्थागत होटल क्वारेन्टाइनमा बस्नु पर्ने जनाइएको छ ।
होटेलमा क्वारेन्टाइनमा बसेको सातौं दिनमा पीसीआर परीक्षण गर्नु पर्नेछ रिपोर्ट नेगेटिभ आएको खण्डमा काममा फर्किन सक्ने स्वास्थ्य मन्त्रालयका अधिकारीहरुले बताएका छन् ।
यदि रिपोर्ट पोजेटिभ आए क्वारेन्टाइनको अवधि थपिने जनाइएको छ ।
अन्य स्वास्थ्य आवश्यकताहरूको लागि अतिरिक्त यात्रुहरुले क्वारेन्टाइनमा बस्न ७ दिनको लागि होटल बुकिङ्ग गर्नुपर्नेछ तर क्वारेन्टाइन स्थानहरूमा यातायातको साधन र कसैलाई एयरपोर्टमा यात्रु लिन जान अनुमति नदिने अरब टाइम्सले जनाएको छ ।
