Monday 2nd June 2025

सरकारले ३ वर्ष देखि रोकिएको जग्गाको कित्ताकाट फुकुवा गर्यो


तितोपाटी – नेपाल सरकारले ३ वर्ष देखि रोकिएको जग्गा कित्ताकाट पुनः खुल्ला गरेको छ । भूमि व्यवस्था, सहकारी तथा गरिबी निवारण मन्त्रालयले भदौ १८ गते जग्गाको कित्ताकाट खुल्ला गर्ने निर्णय गरेको हो ।

तत्कालिन भुमि व्यवस्था मन्त्री गोपाल दहितले वि.स.२०७४ सालमा देशभर कृषियोग्य भूमि खण्डीकरण रोक्न भन्दै जग्गा कित्ताकाट रोक्ने निर्णय गरेकाे थियाे । त्यसयता बन्द रहेको कित्ताकाट भूमि व्यवस्था, सहकारी तथा गरिबी निवारण मन्त्री पद्यमाकुमारी अर्यालले फुकुवा गर्ने निर्णय गरेकी हुन् ।

मन्त्रालयको निर्णयमा भनिएको छ, जग्गाको खण्डिकरण सम्बन्धी विषय पेश हुँदा कृषियोग्य जग्गाको खण्डीकरण सम्बन्धी भएका पूर्ण निर्णयहरू बदर गरिएको छ । मन्त्रालयले भूमी व्यवस्था तथा अभिलेख विभाग र नापी विभाग लगायतमा यो निर्णय परिपत्र गरिसकेको छ ।

बन्द गरिएको जग्गा कित्ताकाटले खाद्य सुरक्षा र खाद्य सम्प्रभुताको संवैधानिक प्रत्याभूतिलाई सुनिश्चित गर्न भन्दै मन्त्रालयले फुकुवा गरेको हो । तत्कालिन भुमि व्यवस्था मन्त्री दहित आफैले १३ वटा कम्पनी र व्यक्तिलाई भने जग्गा प्लटीङ गर्न पाइने निर्णय गरेका थिए ।


सम्बन्धित शीर्षकहरु

म्याग्दी प्रवासी नेपाली संघ (मोना) कुवेतको चाैथो अधिवेशन सम्पन्न भएको छ भने अध्यक्षमा पुनः दिपक छन्त्याल नै निर्विरोध चयन भएका…

गत वर्ष, जब अन्तरिक्ष यात्री सुनिता विलियम्स र बुच विल्मोर बोइङ स्टारलाइनर क्याप्सुलको सहयोगमा अन्तर्राष्ट्रिय अन्तरिक्ष स्टेशन (ISS) पुगेका थिए,…

कमला देवकोटा - एक पटक गधाको दुई छोरा( पाजी) जन्मे। बढ्दै गएपछि एक जमिन्दारकहाँ पुगेछ, अर्को चाहिँ किसान कहाँ। किसानकोमा…

प्रतिकृयाहरू
...