Friday 29th August 2025

पाकिस्तानमा बाढीको वितण्डा, कम्तिमा ८० को मृत्यु


तितोपाटी – पाकिस्तानमा भीषण बाढीको कारण कम्तिमा ८० जनाको मृत्यु भएको जनाइएको छ । केही दिन यता त्यहाँ जारी वर्षाका कारण बाढीको प्रकोप देखिएको छ । सिन्ध प्रान्तका केहि जिल्ला र बलुचिस्तान प्रान्तमा समेत बाढीले असर गरेको छ भने पाकिस्तानको राजधानी कराँची शहरमा बाढीले बढी क्षति पुर्याएको समाचारमा जनाइएको छ । कराँचीमा मात्रै ४७ जनाको मृत्यु भएको जनाइएको छ । भारी वर्षा भइ नै रहेकोले प्रशासनले सबैलाइ सतर्क रहन सूचना जारी गरेको छ । कतिपय स्थानमा विद्युत अापुर्तिमा समस्या भएको  र मोवाइल नेटवर्क सम्पर्क समेत हुन नसकेको त्यहाँबाट प्रकाशित अनलाइन समाचार पोर्टल ‘द न्यूज’ ले जनाइएको छ ।

कराँचीको मौसम विभागले दिएको जानकारीमा उक्त नगरमा पहिलो पटक १२ घन्टामा नै निकै भारी मात्रामा पानी परेको थियो । शहरका सडकहरू नै नदीमा परिणत भएका छन् भने उद्दारको लागि सेनालाइ परिचालन गरिएको छ ।

बाढीमा फसेका सयौँ व्यक्तिलाई उद्धार गरिएको छ भने यहाँका हजारौँ व्यक्ति बाढीबाट विस्थापित भएका छन् । अकस्मातको भारी वर्षाका कारण त्यहाँको जनजीवन नराम्ररी प्रभावित भएको छ । त्यसैगरी त्यहाँका धेरै क्षेत्रमा भौतिक संरचनाहरुमा पनि क्षति पुगेको बताइएको छ ।

 


सम्बन्धित शीर्षकहरु

तितोपाटी- पाल्पामा स्क्रब टाइफसबाट एक बालिकाको मृत्यु भएको छ। उनकाे तीन दिनअघि उपचारका लागि तानसेन ल्याउँदै गर्दा बाटाेमै मृत्यु भएकाे…

हिन्दू नारीहरूको महान् पर्व हरितालिका तीज आज भाद्र शुक्ल तृतीयाका दिन देशभरका शिवालयहरूमा विशेष पूजा–आराधना गरी मनाइँदैछ। यस दिन महिलाहरूले…

इजरायली युद्धक विमानहरूले यमनको राजधानी सानामा हुथीहरू विरुद्ध आक्रमण गरे र दुई पावर स्टेशनहरू र इन्धन डिपो बाहेक राष्ट्रपति दरबार…

प्रतिकृयाहरू
...