अस्तिको बर्खे भेल जस्तै बग्यो नेता रहेछ ।
भावनमा सबैलाई डुबाएर ठग्यो नेता रहेछ ।
कस्तो नाटक जानेको हो जनता चिप्ल्याउन
हाँस्दै हाँस्दै दाउ अाफ्नैतिर लग्यो नेता रहेछ ।
आईयो कहाँ बाट जाने कहाँ हो खोजी छैन ।
जे पाईयो जिवनमा केहि छाडी रोजी छैन ।
मानिसले किन बिर्सन्छन् थाहा भएर पनि
मरेपछि ओढाईने कात्रोमा कुनै गोजी छैन ।
तिमीलाई खोजें अस्ति गाउँमा भेटियो ।
अर्को दिन पैसा जोख्ने ठाउँमा भेटियो ।
धनको लागि त ईमान र जमान बेच्यौ
त्यसैले आज भ्रष्टाचारीको नाउँमा भेटियो ।
-राम भण्डारी
सिन्धुपाल्चोक
हालः काठमाडाैं ।
