गजल
-तिलाचन बस्याल
उपहार दिनेले नै अनुमान दिएको छ ।
हाम्रो जनसंख्याले सन्तान दिएको छ ।।
माग्दैछ बगैचा के उन्मुक्ति महँगोमा?
सस्तो फलले बाँच्ने वरदान दिएको छ ।।
घाँटी पनि काट्ने हो भन्दैछ कसैलाई
भुत्ते खुकुरी यस्तो पहिचान दिएको छ ।।
पक्कै अब वैधानिक बन्नेछ चुनौती यो
चट्याङले ढोकामा मुस्कान दिएको छ ।।
खोज्दैछ स्वयं धर्ती सामर्थ्य बिहानीमा
उपनाम भने उसले अन्जान दिएको छ ।।
स्याङ्जा, नेपाल
हाल-कुवेत ।
