तितोपाटी- नेपाली पत्रकारहरुको अन्तर्राष्ट्रिय सम्मेलन कोरियामा हुने भएको छ । नेपाल पत्रकार महासंघ अन्तर्राष्ट्रिय सम्बन्ध समितिको आइतबार काठमाडौंमा बसेको बैठकले यस्तो निर्णय गरेको हो । समितिका अध्यक्ष गोविन्द आचार्यको अध्यक्षमा नेपाल पत्रकार महासंघको कार्यालयमा बसेको बैठकले विश्वभरीका नेपाली पत्रकारहरुको सहभागिता हुने गरी कोरियामा बैठक गर्ने निर्णय गरेको हो ।
कोरिया शाखाको आतिथ्यमा अन्तर्राष्ट्रिय सम्बन्ध समितिले आफ्नो बैठक कोरियामा गर्ने र शाखा सञ्चालन सम्बन्धि नियमावली संसोधन प्रस्ताव समेत तयार गर्ने समितिका सदस्य सचिव भुपराज बस्यालले जानकारी दिए । यसैगरी बैठकमा सहभागी अन्तर्राष्ट्रिय सम्बन्ध समितिका सदस्यहरुले उठाएको विषयहरुको छलफल गर्ने र आगामी कार्यदिशा तयार गर्नको लागि कोरियामा बैंठक गर्ने गरी निर्णय भएको पनि बस्यालले जानकारी दिए । समितिको काठमाडौमा बसेको बैठकमा दामोदर नेपालले मध्यपूर्वको प्रतिवेदन, आङछिरिङ शेर्पाले पेश गरेको यूरोप, अमेरिका लगायतको प्रतिवेदन पेश गरेका थिए ।
-कारोबार दैनिक बाट
