तितोपाटी – कुवेत स्थित थाकथुक माबोहाङ चेम्जोङ वंश उत्थान संघले पुर्वी नेपालको घनकुटा जिल्लाका एक बिरामीलाइ आर्थिक सहयोग गरेको छ । संघका अध्यक्ष दुर्गा चेम्जोङले तितोपाटी डट कम लाइ सो कुराको जानकारी गराएका हुन् ।
प्राप्त जानकारी अनुसार धनकुटा जिल्लाको मौना बुधुक गाउँ पालिका वार्ड नं ७ घर भइ लामो समयदेखि आन्द्राको अल्सर भइ हाल वी पी कोइराला स्वास्थ्य विज्ञान प्रतिष्ठानमा उपचाररत वर्ष ६५ को भक्त बहादुर लिम्बुको दुइ पटक सम्म अप्रेशन गरी आर्थिक अभावका कारण उपचारमा सकस भएको खबर प्राप्त भएपछि कुवेतमा कृयाशिल थाकथुक मबोहाङ चेम्जोङ वंश उत्थान संघ कुवेतको पहलमा अर्थ संकलन गरि विरामीलाई नेपाली रूपैया ६९,३५६।- अक्षेरूपी उनन्सतरी हजार तिन सय छपन्न रुपैया आर्थिक सहयोग गरेको हो । सहयोग रकम चेम्जोङ समाजका सचिव सुरेन्द्र चेम्जोङ र सदस्य विद्या चेम्जोङको हातबाट बिरामीलाइ हस्तान्तरण गरिएको हो ।
सो सहयोग रकम थाकथुक माबोहाङ चेम्जोङ वंश उत्थान संघ कुवेतले संघका पदाधिकारी एवं सदस्यहरू लगायत कुवेतमा रहनु हुनुने समाज सेवी सहयोगी मनहरूबाट संकलन गरि पठाइएको थियो ।
आफ्नो जातीय हक, हित तथा संस्कार, परम्परा, भाषा, लिपि संरक्षण हेतु सन २०१६ मा कुवेतमा गठन भइ कृयाशिल रहँदै आएको थाकथुक माबोहाङ चेम्जोङ वंश उत्थान संघ कुवेतले यस अघि पनि बिभिन्न किसिमले पीडित भएका नेपालीहरूलाई सहयोग गर्दै कर्मभूमि कुवेतमा सामाजिक सेवाका कार्यहरू गर्दै आएको छ ।
