तितोपाटी – एक सडक दुर्घटनामा परि अढाइ वर्ष भन्दा लामो समयदेखि अस्पतालको शैय्यामा अर्धचेतन अबस्थामा उपचाररत रहि उपचारकै क्रममा २ हप्ता अगाडि निधन भएका बर्दघाट – १२ नवलपरासीका स्वः भागिरथ चापागाइको पार्थिब शरीर नेपाल पुर्याइ नेपाल स्थित त्रिवेणी घाटमा दाह संस्कार कार्य सम्पन्न भएको छ ।
स्वः चापागाइको पार्थिब शरीर हिँजो राती १०ः३५ बजेको कतार एयरवेजको उडानबाट नेपाल पठाइएको थियो भने अाज बिहान ११ बजे त्रिभुबन अन्तर्राष्ट्रिय विमानस्थल पुर्याइएको थियो । शब स्वः चापागाइका भाइले बुझिलिइ जन्मथलोमा रहेको त्रिवेणी धाममा साँझ ७ बजे शब पुर्याइएको थियो भने रात साँझ गरेर अाज नै दाह संस्कार कार्य सम्पन्न भएको स्वः चापागाइका भाइ दान प्रसाद चापागाइले तितोपाटी डट कम लाइ जानकारी दिए ।
