देख्छु सधै सपनीमा बजेका ती बासुरी मादलहरु ।
सम्झिन्छु ती वर्षा यामका असिना पानी बादलहरु ।।
बिहान उठदा हरियो डाँडा सेतो हिउँ चम्की रहन्थ्यो ।
मनमा सधै मेरो नेपाली भाका मात्र घन्कीरहथ्यो ।।
पल्ला घरे माइला काका रामु भनी बोलाउथे ।
तिन्को मिठो आबाज सुनी म आफै टोलाउंथे ।।
हेर्दाहेर्दै उमेरआधा लाग्यो गाउघरले पनि भुल्दै गयो ।
देशमै रहि रमाउने सपना खै कसरी अधुरो भयो ।।
सम्झिदा सम्झिदै जुनी बित्छ्की लाग्छ यो विदेशमा ।
मृत्यु शरीर जान्छ कि कतै बन्द त्यो बाकसमा ।।
मृत्यु शरीर जान्छ कि कतै बन्द त्यो बाकसमा ।।
राम बस्नेत
रेसुङा नगरपालिका-१० गुल्मी
हालः कुवेत
