Saturday 30th August 2025

सिंगापुरको रोजगारीमा पठाइदिने भन्दै ६ करोड भन्दा बढि ठग्ने नुवाकोटका प्रविण पाैडेल पक्राउ


तितोपाटी – वैदेशिक रोजगारीका क्रममा सिंगापुर पठाउने भन्दै विभिन्न व्यक्तिबाट ६ करोड भन्दा बढी ठगीमा संलग्न प्रविण पौडेल पक्राउ परेका छन् । महानगरीय प्रहरी अपराध महाशाखाको टोलीले विशालनगरस्थित ‘द अप्रेन्टिक फर्म’का सञ्चालक ३४ वर्षीय पौडेललाई हेटौंडाबाट पक्राउ गरेको हो । महानगरीय अपराध अनुसन्धान महाशाखाको ठगी हेर्ने पिल्लरले गरेको अनुसन्धानले ६ करोड रुपैयाँभन्दा बढी ठगिएको देखाएको हो । प्रहरीले ठगीमा संलग्न भएको आरोपमा अहिलेसम्म नुवाकोटका प्रविण पौडेललाई मात्रै पक्राउ गरेको छ ।

महाशाखाका एसपी सुशीलसिंह राठौरका अनुसार आकर्षक तलबसहित सिंगापुर पठाइदिने भन्दै पौडेलले तीनसय भन्दा बढी व्यक्तिबाट रकम असुलेका थिए । वैदेशिक रोजगारीका लागि तालिम केन्द्र खोलेर ठगी गरेको उजुरी परेपछि महाशाखाले उनको खोजी गरेको थियो । पक्राउ परेका पौडेलबाहेक अन्य व्यक्ति पनि ठगीमा संलग्न रहेको प्रहरीले जनाएको छ । फरार अन्यको खोजी जारी रहेको प्रहरीले जनाएको छ ।

पौडेलले विशालनगरमा एप्रेन्टिस फर्म प्रा.लि. खोलेर पौडेलले मासिक तलब स्कल ६ सय ५० डलर हुन्छ भनेर ठगी गर्ने गरेका थिए । ‘भारतको दिल्ली र लखनउमा पठाएर सोलास नामक कम्पनीमा तालिम समेत दिएर विभिन्न बाहनामा नगद ५ लाख लिएपछि प्रोसेस हुँदैछ भनेर सम्पर्कविहीन हुने गरेको देखिएको प्रहरीले जनाउँदै अनधिकृत रूपमा राम्रो कमाइ हुने विश्वासमा कसैलाइ पैसा नदिन प्रहरीले अन्य व्यक्तिलाई पनि सचेत गराएको छ ।


सम्बन्धित शीर्षकहरु

कुवैत सिटी, अगस्ट २८ एक उच्चस्तरीय कारबाहीमा, कुवेतको आन्तरिक मन्त्रालयले मानव बेचबिखन र आप्रवासी तस्करीको आरोपमा ९के। श।० को रूपमा…

ओटावा, क्यानडा: भारत र क्यानडाले एकअर्काको राजधानीमा नयाँ उच्चायुक्तहरू नियुक्त गरेका छन् किनभने उनीहरूले कथित राजनीतिक हत्याको विवादमा शीर्ष राजदूतहरूलाई…

तितोपाटी- पाल्पामा स्क्रब टाइफसबाट एक बालिकाको मृत्यु भएको छ। उनकाे तीन दिनअघि उपचारका लागि तानसेन ल्याउँदै गर्दा बाटाेमै मृत्यु भएकाे…

प्रतिकृयाहरू
...