तितोपाटी – बझाङमा हिँजो सोमबार यात्रुबाहक जीप दुर्घटना हुँदा १० जनाको मृत्यु भएको छ भने ५ जना घाइते भएका छन् । चैनपुर नजिकै डुङ्ग्रीबाट मस्टा गाउँपालिकातर्फ जाँदै गरेको स १ ज १०७२ नम्बरको बलेरो जिप बझाङ्को मस्टा गाउँपालिकास्थित डौठी भन्ने स्थानमा दुर्घटना भएको थियो। जीप सडकबाट करिब ५०० मिटर तल खसेको प्रहरीले जनाएको छ । ठाडो उकालोमा रहेको घुम्तीमा गाडी घुमाउनलाई ठाउँ नपुगेपछि ब्याक गर्न खोज्दा गाडी भीरमा खसेको बुझिएको छ ।
दुर्घटनामा मृत्यु हुनेहरूमा मस्टा–१ कोटदेवलका कलकबहादुर खड्का, उनकी श्रीमती जुनधारा र छोरा सरोज खड्का छन् । यस्तै, सोही गाउँका नैन खड्का, धौली खड्का, जुना खड्का, भक्त द्धाल र लक्ष्मी द्धालको पनि ज्यान गएको छ । दुर्घटनामा जिप चालक सुरेन्द्र थापाको पनि मृत्यु भएको छ । एक जना मृतकको भने पहिचान खुलेको छैन । डीएसपी सूर्यबहादुर केसीका अनुसार १० जनाको घटनास्थलमै मृत्यु भएको हो ।
दुर्घटनामा कम्तिमा कम्तीमा ५ जना घाइते छन् । तीन जनाको अवस्था गम्भीर छ । गम्भीर घाइते गणेश खड्का, अनिता बोहरा र गोकुल शाहीलाई उपचारका लागि हेलिकप्टरमार्फत नेपालगन्ज पठाइएको छ । अर्का घाइते नेपाली सेनाका जवान जनक द्धाल र संगीता खड्काको जिल्ला अस्पताल बझाङमा उपचार भइरहेको छ ।
“दुर्घटनास्थल विकट ठाउँमा भएर उद्दार गर्न कठिन भएपछि नेपाल प्रहरी, ससस्त्र प्रहरी र नेपाली सेनाको टोली घटनास्थलमा गएको थियो। हावाहुरीसहित पानी परिरहेको कारण उद्धार कार्यमा कठिनाइ उत्पन्न भएपछि स्थानीय बासिन्दाको सहयोगमा सामान्य बाटो खनेर केही सुरक्षाकर्मी र स्थानीय घटनास्थलसम्म पुगेर घाइतेहरूको उद्धार गरेका थिए भने जिल्ला अस्पताल बझाङको चिकित्सकको टोलीले घटनास्थलमै घाइतेको प्राथमिक उपचार गरेको थियो ।
