Wednesday 12th March 2025

८५ वर्षको उमेरमा ग्र्याजुएशन!


तितोपाटी – सुन्दा अचम्म लाग्छ, नलागोस पनि कसरी । हामी नेपालीहरूको सरदर अायु नै ८५ वर्ष पुगेको छैन । ८५ वर्षको उमेर सम्म पढेर विद्यावारीधि लिने कुरा कल्पनै गर्न सकिंदैन । तर अमेरिकाका एक जना लेखक, स्तम्भकार तथा प्रिन्टिङ डिजाइनका व्यवसायी अमेरिकी नागरिक साँउल इस्लरले ८५ वर्षको उमेरमा ग्र्याजुएशन गरेका छन्। युवा अवस्थामा गणित र विज्ञान विषयमा कमजोर भएका कारण उनले पढ्न छोडेका थिए।

ग्र्याजुएशन गरेपछि इस्लरले भने, ‘तपाईहरुलाई लाग्न सक्छ की मैले अब सिक्नुपर्ने केहि छैन, मैले आठ दशकमा धेरै समस्या झेलेको छु र केहि न केहि सिकेको पनि छु। आज मेरो पुरानो इच्छा पुरा भएको छ।’

दीक्षान्त समारोहमा अत्यन्तै खुसी देखिएका इस्लरको अनुभव सुन्न युवाहरु भेला भएका थिए। वरिपरि उपस्थित युवालाई उनले भने–‘मैले जीवनको हरेक क्षणमा केहि न केहि पाएको छु। सुरुवातमा मैले एउटा विज्ञापन एजेन्सीमा काम गरेको थिए, त्यहीँ मैले डिजाइन सिके, काम शुरु गरे। आज म एक स्थापित ड्राफ डिजाइनर हुँ।’

‘म मेरो बुवा जस्तै वकील बन्न चाहन्थेँ, तर मेरो विज्ञान र गणित विषय कमजोर भएका कारण त्यो इच्छा पुरा भएन। पढाइ छोडेपनि मैले शब्दहरु खोज्ने र शब्दको परिभाषा विस्तार गर्ने कामलाई निरन्तरता दिइराखें यसले नै मलाई गतिशिल बनायो।’ इस्लरले भने।

६१ बर्ष लागेपछि ‘बुड बचर’ स्तम्भ लेख्न थालेका उनले अन्य अरु तीन उपन्यास समेत लेखेका छन्।

-नागरिकबाट


सम्बन्धित शीर्षकहरु

गुलाम नवि मन्सूर/कुवेत- नेपालमा पछिल्लो समय राजसंस्थाप्रतिको समर्थन पुनः बढ्दै गएको देखिन्छ। यसको पछिल्लो उदाहरण फाल्गुन २५ गते त्रिभुवन अन्तर्राष्ट्रिय…

ईन्डिया टुडे मा नेपालको राजतन्त्र समर्थक आन्दोलबारे चर्चा गरिएको छ । त्यस त प्राय विश्वभरीका प्रमुख सञ्चार माध्यामले पनि चर्चा…

नेतृत्व संकटको सामना गरिरहेको लिबरल पार्टीले मार्क कार्नीलाई क्यानडाको अर्को नेता र प्रधानमन्त्रीको रूपमा घोषणा गरेको छ । पार्टीले आफ्नो…

प्रतिकृयाहरू
...