तितोपाटी – कुवेतको आदान अस्पतालको श्ययामा ६ महिना देखि एक नेपाली चेली जीवनमरणको दोसाँधमा छट्पटाइ रहेकी छिन । बाग्लुङ जिल्ला बुर्तिबाङ – १ स्थायी घर भएकी हिरा परियार बिगत ३ वर्ष पहिले घरेलु कामदारको रुपमा कुवेत आएकी थिइन । घरको आर्थिक अवस्था अत्यन्त न्यून भएकै कारण रोजगारीको शिलशिलामा कुवेत आएकी हिरा अचानक उच्च रक्तचाप भइ जेल मै ढलेकी थिइन । शरीरको दायाँ हर प्यारालाइसिस भइ हलचल समेत गर्न नसक्ने भएकी छिन ।
कुवेतीको घरमा काम गर्दा तलब समयमा नपाउने र निकै मिहिनेत गरेर काम गर्दा पनि साहु – साहुनीले जहिले दुख दिने गरेको हुँदा उक्त दुख र पीडा सहन नसकी १५ महिना पहिले कुवेतीको घर बाट भागेर अबैधानिक भइ काम गर्दै आएको उनकी दिदिको छोरी सरिताले बताइन् । लगभग ९ महिना सम्म अबैधानिक भइ काम गरे पश्चात् उनी घर फर्किनको लागि प्रहरीको जान्छु भनेकी थिइन । तर त्यस पछि छामा सम्पर्क बिहिन भएको सरिताले बताइन् । लामो समय सम्म छामाको कुनै अत्तोपत्तो नहुदा घर परिवार पनि चिन्तित बनेका थिए । उनको दिदिको छोरिहरु पनि कुवेत मै कार्यरत छन । तर भनेको समयमा भेट्न र स्याहारसुसार गर्न नपाएकोमा दुख लागेको बताउछन । उनिहरु पनि घरेलु कामदार कै रुपमा कार्यरत भएको हुँदा साहुले भनेको समयमा छुट्टी समेत नदिएको गुनासो गर्छन् ।
उनी स्वदेश फर्किनको लागि सिधै प्रहरी समक्ष गएकी थिइन । उनलाई प्रहरीले केही समय जेलमा राखेको थियो । तर जेलमा अचेत भइ ढलेपछी उनलाई प्रहरिले नै २०१८ अक्टोबरमा उपचारकाको लागि आकस्मिक कक्षमा आदान अस्पतालमा भर्ना गरेको थियो । उनी बोल्न पनि नसक्ने र उनको दायाँ हर पनि चल्दैन थियो । अहिले उनको स्वास्थ्यमा क्रमिक सुधार हुँदै गएको उनको उपचारमा खटेका डाक्टर र नर्सले बताएका छन । उनलाई खाना पनि पाइपको नलि बाट लामो समय सम्म दिनु परेको थियो । अहिले उनि आदान अस्पतालको २६ नम्बर फ्लाइटको २७ नम्बर बेडमा छिन । एक शब्द पनि बोल्न नसक्ने उनी अहिले अलि–अलि बोल्न सक्ने भएकी छिन ।
बिरामी भएको लामो समय सम्म पनि आफन्त सम्पर्कमा आएका थिएन । म्याग्दी प्रवासी नेपाली संघ (मोना) कुवेतका पदाधिकारीले उनको आफन्तलाई सम्पर्कमा ल्याउन मद्दत गरेका थिए । उनको दिदिको छोरीहरुलाई अस्पताल सम्म ल्याइ भेट्नी वातावरण समेत मिलाएका थिए । मोना कुवेतका पदाधिकारीले समय – समयमा अस्पताल गएर उनको स्वास्थ्य अवस्था बारेमा जानकारी लिइरहेको बताएका छन । उनको उद्धार कार्यमा जुट्न कुवेतमा कृयाशिल सबै संघ – संस्थाहरु संग पनि आग्रह गरेका छन । उनको उपचारमा निकै ठूलो रकम खर्च भएको छ । उनी अबैधानिक भएको र उनले त्यो सबै खर्च अस्पतालमा भुक्तान गर्न सक्ने अवस्था पनि छैन ।
नेपाली राजदुतावास कुवतले पनि उनको स्वास्थ्य अवस्था बारेमा अस्पताल गएर जानकारी लिइरहेको बताएको छ । उनको उपचारमा लागेको सम्पूर्ण खर्च मिनाहा गर्नको लागि पनि सक्दो पहल गर्ने नेपाली राजदुतावास कुवेतका तृतीय सचिब मनोज सिहले बताएका छन । उनको स्वास्थ्यमा सुधार भए पश्चात् सबै कागजात मिलाएर नेपाल पठाउने जानकारी गराएका छन ।
