Sunday 27th July 2025

कुवेतका लागि नेपालका राजदूत भण्डारीद्वारा पदभार ग्रहण


तितोपाटी-कुवेतका लागि नेपालका महामहिम राजदूत दुर्गा प्रसाद भण्डारीले अाफ्नो पदभार ग्रहण गरेका छन् । राजदूत भण्डारीले कुवेतका अमिर शेख सबाह अल अहमद अल जाबर अल सबाहसँग कुवेतको बयान दरवारमा शिष्टाचार भेट गरि ओहदाको प्रमाण-पत्र बुझाए पछि अाजैबाट अाैपचारिक रूपमा नेपाली राजदूतावास कुवेतको राजदूतको पदभार ग्रहण गरेका हुन ।

 यस अघि कुवेतका अमिर शेख सबाह अल अहमद अल जाबर अल सबाहले महामहिम भण्डारीलाइ कुवेतमा हार्दिक स्वागत गर्दै सफल कार्यकालको शुभकामना दिएका थिए । कुवेतका अमिरसँगको शिष्टाचार भेटमा राजदूत भण्डारीले नेपालका राष्ट्रपति विद्यादेवी भण्डारीले कुवेतका अमिर शेख सबाह अल अहमद अल जाबर अल सबाहलाइ पठाउनु भएको शुभकामना सन्देश चढाएका थिए भने भेटका अवसरमा दुइ देश विचको ब्यापार, पर्यटन र लगानीका सम्बन्धमा पनि छलफल भएको थियो । उक्त अवसरमा महामहिम भण्डारीकी धर्मपत्नी श्रीमती बिन्ध्या पोख्रेल भण्डारी तथा नेपाली राजदूतावास कुवेतमा कार्यरत सबै कुटनैतिक पदाधिकारीहरूको समेत उपस्थिति रहेको थियो ।

मोरङ घर भइ २३ वर्ष अघि बि.सं. २०५२ सालमा नेपाल सरकारको परराष्ट्र सेवामा शाखा अधिकृित पदमा प्रवेश गरेका राजदूत भण्डारी कुवेतको लागि नेपालका तेश्रो राजदूत हुन भने कुटनैतिक क्षेत्रमा लामो अनुभव बटुली सकेका छन् । परराष्ट्र मन्त्रालयका सहसचिव महामहिम राजदूत भण्डारीले यस अघि भारतको कल्कत्तामा कन्सुलेट जनरल, नेपाली राजदूतावास बेल्जियममा रहँदा युरोपियन युनियनसँग नजिक रहेर नेपालमा लगानी भित्र्याउन महत्वपुर्ण भूमिका खेलेका उपनियोग प्रमुख, नेपाली राजदूतावास पाकिस्तानमा उपप्रमुख तथा परराष्ट्र मन्त्रालयका विभिन्न विभागमा रहेर काम गरि सकेका छन् ।


सम्बन्धित शीर्षकहरु

एजेन्सि-थाइल्याण्ड र कम्बोडियाबीचको सीमामा फेरि तनाव बढेको छ। थाइल्याण्डले कम्बोडियामा रहेको सैन्य अखडामा हवाई हमला सुरु गरेको छ। यसअघि बिहीबार…

लन्डन: गाजा पट्टीमा बिरामीहरूको उपचार गर्न स्वयंसेवा गरिरहेका बेलायती स्वास्थ्यकर्मीहरूले इजरायली आक्रमण र सहायतामा प्रतिबन्धका कारण गम्भीर जलेको र छर्राको…

पूर्वराष्ट्रपति विद्यादेवी भण्डारीले संविधानले पनि आफूलाई दलमा आवद्ध भएर राजनीतिमा संलग्न हुन नरोकेको बताएकी छन्। शुक्रबार काठमाडौंमा पत्रकार सम्मेलनको आयोजना…

प्रतिकृयाहरू
...