तीतोपाटी-क्रेजी ईन्टरटेनमेन्टको प्रस्तुति चलचित्र ‘पुरानो बुलेट’को ट्रेलर सार्वजनिक गरिएको छ । सार्वजनिक ट्रेलरमा कलाकारहरु अनुप विक्रम शाही, वर्षा सिवाकोटी, माला लिम्बु र अन्यलाई फिचर्ड गरिएको छ । चलचित्रको ट्रेलर हेर्दा चलचित्रको कथा माया, प्रेम,कमेडी ,विछोडलाई ध्यान दिएर तयार पारिएको छ ।
चलचित्रमा अनुप विक्रम शाही, वर्षा सिवाकोटी र माला लिम्बुको मुख्य भूमिका रहेको छ । चलचित्र ’पुरानो बुलेट’को यहि फेब्रुअरी २३ तारिखमा हङकङमा वर्ल्ड प्रिमियर हुँदैछ । वर्ल्ड प्रिमियरका लागि केहीदिन पहिले पोस्टर सार्वजनिक गरेको टिमले गत आईतवार एक कार्यक्रम गरि चलचित्रको ट्रेलर सार्वजनिक गरेको छ ।
चलचित्रमा कलाकारहरु अनुप विक्रम शाही, वर्षा सिवाकोटी, माला लिम्बु कविता आले, कृष्णभक्त महर्जन, शिरोमणी दवाडी, शिव मुखिया, दिवज राई आदिको अभिनय रहेको छ ।
चलचित्रको कथा, पटकथा तथा संवाद लेखनमा निर्देशक भीषणले सन्तोष राईसँग सहकार्य गरेका छन् । चलचित्रका लागि कार्यकारी निर्माता सन्तोष राई रहेका छन् । ‘पुरानो बुलेट’मा अशोककुमार राई (साम्पाङ), दिपेन्द्र लिम्बु, विरेन साम्बा र टिकाराम राईले मिलेर निर्माण गरेका हुन्
चलचित्रमा संगीत उत्तमजङ्ग लिम्बु, जयन जे वाइवा र भिजे घिमिरेको, छायाँकन हरि घले लामाको, नृत्य प्रविण सिंह र प्रशान्त तामाङको, सम्पादनअर्जुन जिसीको रहेको छ ।
चलचित्र चैत्र १ गतेबाट प्रदर्शनको तयारीमा रहेको छ ।
