तीतोपाटी- बिहीबार बेलुका जाजरकोटको भेरी नगरपालिका – १ को खलंगा रिम्ना सडक खण्डको पिपे नजिक बस भेरी नदीमा खसेको छ । जिल्ला प्रहरी कार्यालय जाजरकोटका अनुसार दुर्घटनास्थलबाट चार जनाको शव निकालिएको छ ।
बाँकेको नेपालगन्जबाट रुकुम पश्चिम राडीबजारतर्फ जाँदै गरेको भे १ ख १३२९ यात्रुवाहक बस भेरी नदीमा खस्दा दुर्घटनामा परेको हो । अन्य पाँच जना घाइते भएको जनाइएको छ । मृतक र घाइतेको पहिचान हुन सकेको छैन ।
उद्धारका लागि घटनास्थलमा प्रहरी परिचालन गरिएको छ । घटनास्थलमा रुकुम पश्चिमको चाइना बगरबाट उद्धारका लागि प्रहरी निरीक्षक केशरबहादुर कार्की नेतृत्वमा टोली खटिएको छ ।
