तितोपाटी – धरान उपमहानगरपालिका वडा नं. १६ का दुबै मृगौला पीडित प्रज्वल भुजेललाई मुना गहतराजको सक्रियतामा आर्थिक सहयोग गरिएको छ ।
मुना गहतराजको विशेष पहलमा कुवेतमा कार्यरत नेपालीहरु बाट संकलन गरिएको आर्थिक रकम चाैतीस हजार बैसठ्ठी रुपैयाँ (३४,०६२) मृगौला पीडित भुजेललाई सहयोग गरिएको छ । लामो समय देखि दुबै मृगौला पीडित प्रज्वल भुजेल भक्तपुरको अंग प्रत्यारोपण अस्पतालमा उपचार गराइरहेका छन ।
कुवेतमा लामो समय देखि मुना गहतराज घरेलु कामदारको रुपमा कार्यरत भएर पनि विभिन्न संघ सस्थाहरुमा आबद्ध भइ समाज सेवा गर्दै आइरहेकी छिन । उनी नमुना बिश्वकर्मा समाज नेपाल कुवेतको महिला सशक्तीकरण हुन भने हालसालै कुवेतको नेपाली समाजमा स्थापना भएको शिल्पी संघ नेपाल कुवेतको उपाध्यक्ष हुन ।