-कमला न्याैपाने, झापा
हालः भक्तपुर
जताततै जाम ,दुर्गन्ध ,फोहोर,अनि त्यस्तै धूलो
कहिले होला राजधानी सफा, अनि सडक ठूलो ।
बढ्दो नै छ भित्रिने क्रम,सवारीका साधनहरु
उठेको कर चाहिँ कहाँ जान्छ खै,कता परि दुलो ।
छैन स्वच्छ पिउने पानी ,हाहाकार छ जताततै
कहिले आइपुग्ने होला खै त्यो,मेलम्चीको कूलो ।
रेल र पानी जहाजको , सपना बाँड्छन् नेता
विकासको काममा चाहिँ सधैँ,पार्छन् खुट्टा लुलो ।
पदमा पुगि स्वार्थी बने,देशको चिन्ता रत्ति छैन
युवा शक्ति पलायन हुँदैछन् ,बाल्न घरमा चुलो ।
