तितोपाटी – लालीगुराँस साँस्कृतिक परिवार नेपाल कुवेत र अन्तर्राष्ट्रिय कलाकार मन्च कुवेतको संयुक्त प्रस्तुतीमा यहि १९ अक्टोबर २०१८ मा हुन गइरहेको दशै साँस्कृतिक धमाका कार्यक्रमकाे सम्पूर्ण तयारी पुरा भएको छ ।
कुवेतमा कार्यरत नेपालीहरु माझ हिन्दु धर्मवलम्बीहरुको महान चाड बिजया दशमीको अवसर पारी शुभकामना आदनप्रदानको साथमा दुर्गा पूजा र जमरा ग्रहण कार्यक्रम सहित विशेष साँस्कृतिक कार्यक्रम गरी भब्य रुपमा मनाउन लागिएको हो ।
कुवेतमा स्थापना कालदेखि नै आफ्नो परम्परा लाई जगेर्ना गर्ने उदेश्यले विभिन्न समयमा “हाम्रो सँस्कृति हाम्रो परम्परा” “ मौलिक कला र सांस्कृतिक साथमा कलाकारको जगेर्ना गरौ “ भन्ने मुलनारा लाई आत्मसाथ गरि लालीगुराँस तथा अन्तराष्ट्रिय कलाकार मन्चले कार्यक्रम गर्दै आईरहेका छ।
कुवेतमा कृयाशिल सघं-सस्थाका प्रतिनिधि, बुद्धिजीवी, समाजसेवी, व्यवसायी, भद्रभलाद्मी, पत्रकार, कलाकार, खेलाडी लगायत सम्पुर्ण कुवेतबासी नेपाली दाजुभाइ तथा दिदिबहिनीहरुलाई निमन्त्रणा गरिसकेको छ । तर कुनै कारणवश निमन्त्रणा पत्र प्राप्त नगर्नु भएकाले यसै समाचार लाई आधार मानी उक्त दिनको दशै धमाका साँस्कृतिक कार्यक्रममा उपस्थित हुनको लागि आयोजकले हार्दिक अनुरोध गरेको छ ।
कार्यक्रम हुने मिति, समय र स्थान निम्न बमोजिम रहेको छ ।
मिती :- १९ अक्टोबर शुक्रबार २०१८
स्थान :- राजधानी रेस्टुरेन्ट खैतान कुवेत
समय :- बिहानको ठीक ११ बजेदेखि
