[ गजल ]
सुरक्षाको अनुभूति देशमा, साँच्चै कहिले हुने होला ।
अन्यायमा परेर जनता , कहिले सम्म रुने होला ।।
पदको दम्भ देखाएर , नीति नियम मिच्दै हिड्छन्
देशको कानुनले ठूलाबडा लाई , कहिले छुने होला ।।
मान्छेको मन दानव भयो , गरे व्यवहार पशु जस्तो
कालो कर्तुत ढाक्न भित्र भित्रै ,कति जाल बुने होला ।।
जसले न्याय दिनुपर्ने उनै , पर्ने शंकाको घेरा भित्र
खै के आश र पीडितको आवाज ,तिनले सुने होला ।।
देखे बुझेको भएपनि यहाँ , बोल्ने वाला छैन कोही
प्रलोभनमा पारि कति मुख, तिनले त्यहाँ थुने होला ।।
कमला न्याैपाने, झापा
हाल – भक्तपुर
