गजल
माधव पाैडेल ‘असल यात्री’
अाफन्त,नातागोता ,इस्टमित्र घिचाएर बस ।
सिमा साँध छिमेकीलाई मिचाएर बस ।।
गोष्ठी गर ,सेमिनार गर होटल पाँच तारेमा
भाइरल हुने तस्वीर मात्रै खिचाएर बस ।।
मुल्यबृद्धि,करबृद्धि संधै बृद्धि मात्रै गर
निमुखा जनताको घाँटी थिचाएर बस ।।
सडक छैन फुटपाथ छैन भित्र्याउ साधन
टिप्पर बस र ट्रकले यात्री किचाएर बस ।।
सर्वहारा होइनौ तिमी बिलासितामा जिउनु
सडक र सदनभित्र नाङ्गो नाच नचाएर बस ।।
बोल्नु पर्छ पाको बेला अाए जति बोल्नु
केही गर्न नसके पनि लाज पचाएर बस ।।
