Tuesday 17th November 2026

गजल


गजल

माधव पाैडेल ‘असल यात्री’

अाफन्त,नातागोता ,इस्टमित्र घिचाएर बस ।
सिमा साँध छिमेकीलाई मिचाएर बस ।।

गोष्ठी गर ,सेमिनार गर होटल पाँच तारेमा
भाइरल हुने तस्वीर मात्रै खिचाएर बस ।।

मुल्यबृद्धि,करबृद्धि संधै बृद्धि मात्रै गर
निमुखा जनताको घाँटी थिचाएर बस ।।

सडक छैन फुटपाथ छैन भित्र्याउ साधन
टिप्पर बस र ट्रकले यात्री किचाएर बस ।।

सर्वहारा होइनौ तिमी बिलासितामा जिउनु
सडक र सदनभित्र नाङ्गो नाच नचाएर बस ।।

बोल्नु पर्छ पाको बेला अाए जति बोल्नु
केही गर्न नसके पनि लाज पचाएर बस ।।


सम्बन्धित शीर्षकहरु

पखेटा छैनन्, उडूँ कहाँ म, आकाश टाढा छ, मनै भने प्रियको सम्झनामा, हराउँदै जान्छ। फूलका बगैँचा फुले पनि, मन फुल्न…

जर्मनी, डेनमार्क, अस्ट्रिया, ग्रीस र नेदरल्याण्ड्सले सन् २०२७ देखि रवान्डामा आप्रवासी फिर्ता केन्द्र खोल्ने योजना सार्वजनिक गरेका छन्। यो केन्द्रमा…

अमेरिकी गुप्तचर निकायले इरानले अमेरिकी भूमिमै ठूलो आक्रमण गर्न सक्ने सम्भावनाबारे नयाँ सूचना प्राप्त गरेको जनाएको छ। उक्त सूचनाअनुसार इरानले…

प्रतिकृयाहरू
...