गजल

[ गजल ]
भाग्छ नीद,रुन्छ मन,घरको याद आउँदा खेरि ।
बा-आमा र उनको माया,मनैभरि छाउँदा खेरि ।।

योग्यताको कदर छैन ,अर्थहीन भयो प्रमाण पत्र
कत्ति खुसी थिएन मन,हातमा भिषा पाउँदा खेरि ।।

बाचा कसम खाएको थिएँ,विहे अघि उनी सँग
एक्लै पार्ने छैन भनि, मिठो माया लाउँदा खेरि ।।

बिताउँदि हुन् दिन कसरी , नयाँ घर अनि नाता
वैराग लाग्दो होला मनमा,कोइलीले गाउँदा खेरि ।।

ऋण काढेर आइएको छु , खट्नै पर्छ मैंले यहाँ
दुख्ला मन बा-आमाको,घरमा साहु धाउँदा खेरि ।।

कमला न्याने, झापा

हाल – भक्तपुर