Tuesday 17th November 2026

श्रावण महिना ( कविता )


श्रावण महिना

यो त हो महिना चौथो, नाम यसको छ श्रावण ।
पानीपर्दा हरियाली, खुसी हुन्छन् अधिक जन ।।

धानका बोट सप्रन्छन् खेतपाखाभरि भरी ।

फुर्सदमा सबले गर्छन् भजनकीर्तन हरि हरि ।।

पाइन्छन् साग–तरकारी विभिन्न गुण, स्वादका ।

कर्कलो फर्सीका मुन्टा, काँक्रो विविधजातका ।।

हुर्कन्छन् कलिला तामा घरछेउकै बाँसघारीमा ।

वनमा निउरो बढ्छन्, नास्पाती प्रशस्त बारीमा ।।

अन्नको, आय–आर्जनको आधार हो मास श्रावण ।

धेरै छन् यसका राम्रा, लाभदायी गुणै–गुण ।।

 

डा. एकराज ओझा

मौवा, डोटी, नेपाल

हालःकार्यविनायक, ल.पु.।


सम्बन्धित शीर्षकहरु

पखेटा छैनन्, उडूँ कहाँ म, आकाश टाढा छ, मनै भने प्रियको सम्झनामा, हराउँदै जान्छ। फूलका बगैँचा फुले पनि, मन फुल्न…

जर्मनी, डेनमार्क, अस्ट्रिया, ग्रीस र नेदरल्याण्ड्सले सन् २०२७ देखि रवान्डामा आप्रवासी फिर्ता केन्द्र खोल्ने योजना सार्वजनिक गरेका छन्। यो केन्द्रमा…

अमेरिकी गुप्तचर निकायले इरानले अमेरिकी भूमिमै ठूलो आक्रमण गर्न सक्ने सम्भावनाबारे नयाँ सूचना प्राप्त गरेको जनाएको छ। उक्त सूचनाअनुसार इरानले…

प्रतिकृयाहरू
...