Tuesday 17th November 2026

गजल


[ गजल ]
छैन मन मा कुनै रहर, तिमी परदेश हिँडे देखि
शुन्य शुन्य लाग्छ सहर,तिमी परदेश हिँडे देखि ।।

एक्लोपनको आभास भइ,हरेश खाइदिदा मनले
पिउँ जस्तो लाग्छ जहर,तिमी परदेश हिँडे देखि ।।

सन्नाटा मा कोल्टे फेर्दै, छट्पटि मा बित्छ रात
अमिलो मन,तितो प्रहर,तिमी परदेश हिँडे देखि ।।

तिम्रै बाटो हेर्दै नयन, छचल्किन खोज्छन् त्यसै
बगाइ आँसु बन्छ नहर,तिमी परदेश हिँडे देखि ।।

आफ्नै देशमा मेहनत गर्दै,रमाइ बस्नु पर्छ अब
भन्ने मनले गर्यो ठहर, तिमी परदेश हिँडे देखि ।।
कमला न्यौपाने, झापा
हाल -भक्तपुर


सम्बन्धित शीर्षकहरु

पखेटा छैनन्, उडूँ कहाँ म, आकाश टाढा छ, मनै भने प्रियको सम्झनामा, हराउँदै जान्छ। फूलका बगैँचा फुले पनि, मन फुल्न…

जर्मनी, डेनमार्क, अस्ट्रिया, ग्रीस र नेदरल्याण्ड्सले सन् २०२७ देखि रवान्डामा आप्रवासी फिर्ता केन्द्र खोल्ने योजना सार्वजनिक गरेका छन्। यो केन्द्रमा…

अमेरिकी गुप्तचर निकायले इरानले अमेरिकी भूमिमै ठूलो आक्रमण गर्न सक्ने सम्भावनाबारे नयाँ सूचना प्राप्त गरेको जनाएको छ। उक्त सूचनाअनुसार इरानले…

प्रतिकृयाहरू
...