Saturday 26th July 2025

प्रेमीसँग मिलेर श्रीमानको हत्या गर्ने पक्राउ


तितोपाटी – घरबाट ससुराली हिँडेका एक व्यक्ति चार दिनपछि आज मृत फेला परेका छन् ।

असार ११ गते परिवारका सदस्यहरुले आसर ८ गतेदेखि तेज विष्ट हराएको भनी प्रहरीलाई उजुरी दिएका थिए । खोज्ने क्रममा प्रहरीले आज उनको शव फेला पारेको हो । उजुरीको आधारमा २४ घण्टाभित्रै प्रहरीले तेजको शव पत्ता लगाउनुका साथै हत्यामा संलग्न भनिएका आरोपीहरुलाई समेत पक्राउ गरेको छ ।

प्रहरीले तेजको हत्यामा संलग्नलाई पक्राउ गरी जिल्ला प्रहरी कार्यालय धनगढीको हिरासतमा राखेको छ ।

प्रारम्भिक अनुसन्धानबाट तेजकी श्रीमती लक्ष्मी बडैला र उनका प्रेमी गोदावरी–१२ का दीपक खत्रीले तेजको हत्या गरेको जिल्ला प्रहरी कार्यालयका प्रमुख प्रहरी उपरीक्षक विनोद घिमिरेले बताए ।

उनले असार ८ गते राति तेजलाई भेट्न बोलाएर खत्रीले टाउकोमा लठ्ठीले हानेर मारी भासुको भिडमा फालेको खत्रीले स्वीकार गरेको जनाएका छन् ।

बैशाखको महिनामा लक्ष्मीसँग विवाह गरेका पुनर्वास–२ दशरथ बस्ती टोलमा बस्दै आएका विष्ट गोदवारी–११ ओलानीस्थित ससुराली जानका लागि म २ प ७४७७ नम्बरको सेतो पल्सरमा हिँडेको उनका आमा हिरा विष्टले बताइन् ।

उनले ससुराली ४ बजे पुगेको र ७ बजे साथीको फोन आयो भन्दै ससुरालबाट नै हिँडेको बताइन् ।

अन्दाजी २४ वर्षीय तेजको शव प्रहरीले पोष्टमार्टमका लागि ल्याउने तयारी गरिरहेको प्रहरी उपरीक्षक घिमिरेले बताए ।

उनले ५ मिटर गहिरो खोल्सामा लाश खसेको हुनाले उठाउन गाह्रो भइरहेको बताए ।


सम्बन्धित शीर्षकहरु

एजेन्सि-थाइल्याण्ड र कम्बोडियाबीचको सीमामा फेरि तनाव बढेको छ। थाइल्याण्डले कम्बोडियामा रहेको सैन्य अखडामा हवाई हमला सुरु गरेको छ। यसअघि बिहीबार…

लन्डन: गाजा पट्टीमा बिरामीहरूको उपचार गर्न स्वयंसेवा गरिरहेका बेलायती स्वास्थ्यकर्मीहरूले इजरायली आक्रमण र सहायतामा प्रतिबन्धका कारण गम्भीर जलेको र छर्राको…

पूर्वराष्ट्रपति विद्यादेवी भण्डारीले संविधानले पनि आफूलाई दलमा आवद्ध भएर राजनीतिमा संलग्न हुन नरोकेको बताएकी छन्। शुक्रबार काठमाडौंमा पत्रकार सम्मेलनको आयोजना…

प्रतिकृयाहरू
...