कबिता 
प्रवाशका ‘गोरे’ हरु
तोयनाथ उपेक्षित
प्रवाशका कयौ गोरेहरु
कोही जेलमा, कोही नेलमा
तर छैन चेतना कतै
सयौ छन अझै, ब्यभिचारी भेलमा
निहत्था जीवनसँग
हालिमुहाली छ तिनको
आदर्श, नैतिकता र मानवताको
कत्ति पनि छैन हेक्का तिनलाई
निरिह माथिको खेलमा
बरु
सम्मान गरिन्छ तिनैलाई
शुक्रबारे भेलामा
वाहा वहाँ
प्रवाशका गोरे साहेबहरु !
गोरे
जसको रुप एक, बिरुप अनेक
कसिलो र सुकिलो
भद्र र सभ्य बनेर
सहयोगको नामको बज्र र करुणाको काल मन्त्राणा गर्दै
ॐ शान्ति ! ॐ शान्ति !!
गलामा रुद्राक्ष लाएर
मन्चमा छाउछन
रुप एक, बिरुप अनेक
प्रवाशका गोरेहरु ।
मुसाहरुको सेवामा
बिचरा मुसाहरुको भेलामा
कृतिम करुणाका दक्षिणा छर्दै
उद्धारका घण्ट बजाउदै
ममताको शंख फुक्दै
सबैलाई मुर्ख बनाउन पोख्त छन
प्रवाशका गोरे बिरालाहरु ।
डुङडुङ गनाए पनि
अत्तर छरेर
तिनका भतेरहरुमा हिङ हालेर
सबैलाई चखाकै छन
रुप एक, करामत अनेक
धेरैलाई छक्याएकै छन
बाठा छन प्रवाशका गोरेहरू ।
