भेनेजुएलामा दुई वटा शक्तिशाली भूकम्प आएपछि अहिलेसम्म कम्तीमा २३५ जनाको मृत्यु भएको छ र हजारौं घाइते भएका छन्। दोस्रो भूकम्प एक शताब्दीभन्दा बढी समययताको सबैभन्दा शक्तिशाली मानिएको छ।
धेरै मानिसहरू हराइरहेका छन् वा भग्नावशेषमुनि फसेका छन्, र उद्धार कार्य रातभर जारी छ। ला ग्वाइरा बन्दरगाह शहर, राजधानी काराकास तथा वरपरका क्षेत्रमा धेरै घरहरू पूर्ण रूपमा ध्वस्त भएपछि त्यहाँका बासिन्दाहरू आश्रयविहीन भएका छन्।
यो विपत्ति यस्तो समयमा आएको छ जब भेनेजुएला पहिले नै राजनीतिक र आर्थिक संकटसँग जुधिरहेको थियो। विश्वभरबाट राहत टोलीहरू परिचालन भइरहेका छन् र विदेशी सहयोगका प्रतिबद्धताहरू बढ्दै छन्। तर, भूकम्प गएको ३६ घण्टाभन्दा बढि समय बितिसकेकोले जीवितै मानिसहरूलाई उद्धार गर्ने आशा न्यून हुँदै गएको छ ।
