कल्याणकारी नेपाली युवा समाज कुवेतले आगामी फेब्रुअरी ७ तारिक शुक्रबारका दिन मंगाफ स्थित फाहाहिल स्टेडियमको कभर्डहलमा आयोजना गर्ने भलिबल प्रतियोगितामा जम्मा ९ टिमले प्रतिस्पर्धा गर्ने भएका छन् । हिँजो ३१ जनवरी शुक्रबारको दिन सम्पन्न टाइसिटमा ९ टिमले प्रतिस्पर्धामा सहभागी हुन टिम दर्ता गराएका हुन् ।
अन्तर-नेपाली भलिबल प्रतियोगितामा प्रतिस्पर्धाका लागि दर्ता भएका टिमहरूमा बायाँ पोलबाट समाज सेवा सुधार भलिबल टिम र कल्याणकारी “बी” भलिबल टिम तथा फरवानिया भलिबल टिम र बागलुङ भलिबल टिमबिच छनाैट चरणका खेल खेलाइनेछ भने दायाँ पोलबाट मोना म्याग्दी भलिबल टिम र कल्याणकारी “ए” भलिबल टिम तथा पाल्पा श्रीनगर भलिबल टिम र लुम्बिनी भलिबल टिमबिच छनाैट चरणका खेल खेलाइनेछ । छनाैट चरणमा बाइमा परेको निरेम भलिबल टिमले पाल्पा श्रीनगर भलिबल टिम र लुम्बिनी भलिबल टिमको प्रतिस्पर्धाबाट विजेता बनेको टिम सँग खेल खेल्ने छ । उपरोक्त खेलहरूमा विजेत बनेका टिमहरूबिच सेमी फाइनल खेल खेलाइनेछ भने उक्त खेलबाट बिजेता बनेका टिमबिच खेल खेलाइ बिजेता टिमलाइ च्याम्पियन घोषित गरिने छ । खेलकुद प्रतियोगिता बिहान ८ः०० बजे शुरू भएर साँझ ५ः३० बजे सम्पन्न गर्ने आयोजकको योजना रहेको छ ।
कल्याणकारी नेपाली युवा समाज कुवेतसँग अल मुजैनी एक्सचेन्जको सहकार्यमा हाला फेब्रुअरीको अवसर पारेर आगामाी ७ फेब्रुअरी २०२५ शुक्रबारका दिन आयोजना हुन लागेको अन्तर-नेपाली भलिबल प्रतियोगितामा प्रथम हुने टिमलाइ २५१ केडि नगदको साथमा ट्रफी,मेडल र प्रमाणपत्रले पुरस्कृत गर्ने जनाएको छ । त्यसै गरि द्वित्तीय र तृतीय हुने टिमलाइ क्रमश १५१ र ७५ केडि नगद पुरस्कारको साथमा ट्रफी,मेडल र प्रमाणपत्रले पुरस्कृत गर्ने भएको छ ।
भलिबल प्रतियोगिताबारे जानकारीको लागि तपसिल बमोजिमका व्यक्तिहरूलाइ सम्पर्क गर्न सकिने पनि आयोजकले जनाएको छ ।
कार्यक्रम संयाेजक नबराज पराजुली – 50616895
अध्यक्ष सुबास श्रेष्ठ – 50740848
टिम मेनेजर मदन पनेरू -98039897
टिम ब्यबस्थापन मेनेजर – निरज श्रेत्री – 92221235
टिम प्रशिक्षक ईस्वर श्रेष्ठ – 65118518
टिम क्याप्टेन राज कुमार नेपाली – 99819841
काेषाध्यक्ष बिष्णु गिरि – 66191895
