तीतोपाटी, काठमाडाैं – वैदेशिक रोजगारी तथा अन्य प्रयोजनका लागि विदेश जाने नेपालीहरूले काठमाडौंका चार अस्पतालबाट जोन्सन एण्ड जोन्सनको खोप लगाउन पाउने भएका छन ।
विदेश जानेहरूले राहदानी(पासपोर्ट) र भिसा देखाएर सैनिक अस्पताल छाउनी, नेपाल प्रहरी अस्पताल महाराजगञ्ज, सशस्त्र प्रहरी अस्पताल बलम्बु र टेकु अस्पतालबाट खोप लगाउन पाउनेछन् ।
श्रम, रोजगार तथा सामाजिक सुरक्षा मन्त्रालयको विशेष पहल र आग्रहमा जोन्सन एण्ड जोन्सन कम्पनीको खोपको ब्यबस्था गरिएको मन्त्रालयले जनाएको छ । यो खोप एक डोजमात्र लगाउँदा हुने भएकोले र अधिकांश देशहरूमा यो खोपलाई मान्यता दिइएकाले विदेश जानेहरूले यो खोप लगाउने गरेका छन् ।
