गजल
लुट्ने लुटाउने को शासन कहिले सम्म ।
छिमेकी कै नुन तेल र राशन कहिले सम्म ।
देशले समृद्धि माग्दै छ सुशासन माग्दै छ,
नेता ज्यु!अझै यो झुटो आश्वासन कहिले सम्म ।
बलात्कारी हत्या हिंसा दिनहुँ मौलाउदै छ,
देशमा यो कुरिती अन्धोपन कहिले सम्म ।
लुटेर अस्मिता देशको लुटाएर सम्पदा,
गर्छौं छिमेकीको भरौटेपन कहिले सम्म ।
सुनिश्चित छ तिम्रो पतन सराप्छ सहिदको”आँसु”ले
स्वाभिमान बेचेर लिन्छौ सिंहासन कहिले सम्म ।
२०७७/११/२३
@सागर आँसु (डोटी)
हालः प्रवास
