गजल
करेला पनि मीठो हुन्छ खान जाने पछि ।
औषधि हुन्छ मिलाएर खान माने पछि ।
ऐरेलु तितो हुन्छ अस्तित्व छैन बनमा
आफैलाई बचाउँछु मनले ठाने पछि ।
स्वास्थ्य हुनु बेलैमा पछुतो फेरि नहोस
दु:ख हुन्छ आफैलाई रोगले हाने पछि ।
खानपिन बार्नु पर्छ सकेसम्म आफैले
बाचिन्छ मीठो छोडी तितोलाई छाने पछि ।
जान्न पर्छ खान पनि आफै बाच्ने हो भने
होश गर्नु निको हुन्न रोग नै गाने पछि ।
सोमनाथ लुइटेल ‘रवि’
पाल्पाली
हाल:- युगाण्डा
