बि. आर. उप्रेती, बारा – नेपालमा राजनीतिक पार्टीहरुका अगुवाहरूको अहंकारले गर्दा पार्टी भित्र अन्तर विरोध, झै-झगडा उत्पन्न हुन्छ अन्ततः पार्टी विभाजन । यस्तो रोगबाट धेरै जसो पार्टीले गोता खाइसकेका छन् । फुट्ने (पार्टी विभाजन) अनि अलि पछि पुनः एकीकृत हुने । यही क्रममा अहिले नेपाल कम्युनिस्ट पार्टी विभाजनमा पुगिसकेको छ।
देशमा जनताहरुले दुइ तिहाइ मत दिई कम्युनिस्ट पार्टीलाई शासन व्यवस्था संचालन गर्न दिइ- जनताहरु जताततै गफ गर्थे अब भने सुखको दिन आयो, भोका नाङ्गा, अशिक्षा, भूमिहीन, बेरोजगार जस्ता गरिबीले डाँडा काट्यो भन्थे नेपाली जनताहरु । तर के गर्नु अहिलेको कम्युनिस्ट पार्टी विभाजन बारेको (पार्टी फुटको) माहौल हेरेर नून खाएका कुखुरा जस्ता भइ रहेकाछन् विचरा ! कस्तो आशा र आकांक्षा लिएका जनताहरु अहिले निराशा भइ भोलि के गर्ने ? शासन प्रणाली कस्तो हुने हो ? आदि कुरा सोचिरहेकोछन् । किनभने गत महिनामा प्रतिनिधि सभा विघटन , नेपाल कम्युनिस्ट पार्टी फूटी विभाजन, प्रतिनिधि सभा विघटन हुनु हुँदैन भनि अदालतमा रिट दायर हुनु, ने.क.पा. भित्रका पक्ष विपक्ष भइ एकले अर्कालाई गाली गलौज गर्नु इ सबै कुरा भोग्नु त जनता र राष्ट्रले नै होला।
विघटित प्रतिनिधि सभा पुनः स्थापना गर्न पर्छ पर्दैन संविधान कानून अनुसार श्री सम्मानित अदालतबाट किनारा लाग्ला त्यो छँदैछ । तर माननीय नेताज्युहरु ।यसरी छँदाछँदैको दुइ तिहाइको निर्वाचित कम्युनिस्ट पार्टी जनताहरुको आशा भरोसाको पार्टी विभाजन गरेर आन्दोलन र एकले अर्कालाई जथाभावी गाली गर्ने गरेको देख्दा जनताहरुले के खुशी र राम्रो ठानेका छन् त ? तसर्थ राष्ट्रमा राम्रो पथ प्रदर्शक बनाै आदरणीय नेताज्युहरु ! घर भित्र पनि झै-झगडा हुन्छ, पछि मेल मिलाप हुन्छ । त्यस्तै तपाईहरु पनि सबै पक्षको र मध्यस्थता गर्ने नेताज्युहरु समेत एकै स्थानमा बसी आत्मा आलोचना लगायत के कसरी हुन्छ सद्भावका साथ मेलमिलाप गरि पार्टी पुनः पूर्व स्थानमा ल्याउन अटल राख्नु हुनेछ । यसो भए मात्र भोलि अन्य विकट राजनीति वातावरणको विषम् समय भोग्नु नपर्ला भन्ने ठान्छन् नेपाली जनताहरु ।
