तीतोपाटी – रुसी राष्ट्रपति भ्लादिमिर पुटिनले अर्को सातादेखि कोरोना विरूद्धको खोप प्रयोग गर्न निर्देशन दिएका छन् । बुधबार राष्ट्रपति पुटिनले सो निर्देशन दिएका हुन् । रुसी सञ्चारमाध्यामहरुका अनुसार त्यहाँ कोरोना खोप निःशुल्क रुपमा लगाइने तयारी गरिएको छ ।
पहिलो चरणमा स्वास्थ्य कर्मचारी र शिक्षकहरुलाई खोप लगाइने रसिया टुडेले जनाएको छ । गत अगष्टमै रुस कोरोना विरुद्धको खोप दर्ता गराउने विश्वकै पहिलो राष्ट्र बनेको थियो । रुसमा बनेको सो खोपको नाम स्पुटनिक–५ दिइएको छ ।
-एजेन्सी
