बिद्या हो गुनिलो
*********************
शार्दूलविक्रीडित छन्द ** वर्ण-१९
१२ र ७ अक्षरमा (यति) बिश्राम हुन्छ ।
*********************************
बिद्या हो गुनिलो अपार महिमा मेटिन्न केही गरी,
लत्रेको किन हो अज्ञान बनमा देखिन्छ तड्पे सरी । १ ।
बिद्या नै युगमा अजेय धन हो नासिन्न यस्तो चिज ।
बकुल्ला कसरी महान जगमा बन्ला र हाँसको बिच । २ ।
राजाको गणना भएन किन हो अर्को उ देशमा पसी ।
संसारै भरमा पुजिन्छ जनमा बिद्द्वान त प्रख्यात अति । ३ ।
बिद्याको तुलना हुँदैन धनमा बुझ्दैन कोही यहाँ ।
अज्ञानी जनले पछाडि हटेर मिल्ला र बिद्या कहाँ । ४ ।
मैलो त्यो मनको पखाल्न धनले सक्ला र संसारमा ।
बाँडेरै पनि यो सकिन्न त्यसरी बिस्मात बेकारमा । ५ ।
हरि शर्मा (सुबेदी)
गलकोट- बागलुङ, नेपाल
हाल: मिसिगन अमेरिका ।
