नेपाल आमा थकित भईन् – लोक छन्द (झ्याउरे)
***************************************
नेपाल आमा थकित भईन् सन्तान देखेर ।
सन्तानले त्यहाँ टेर्न नै छाडे आमालाई हेपेर । १ ।
छोरा र छोरी चक्-चके परे उपद्रो गर्दछन् ।
कहिले काहीँ लुगा नै च्याती आपसमा लड्दछन् । । २ ।
छोरीले खोज्छे त्याँ नग्न तस्बिर छोरा नि उस्तै छ ।
घरको धन्दा नगर्ने कोही जस्ताको तस्तै छ । ३ ।
बाबाका राम्रा पुस्तक जति उनले जलाए ।
घरमा हैकम उत्तौला केटा केटीले चलाए । ४ ।
आच्मनी टिपी छोराले त्यहाँ पुलाउ खाँदैछ ।
घरको काम पटक्कै छुन्न डिस्कोमा जाँदैछ । ५ ।
नियमको बन्धन अनुशासन पनि हराउँदै गाको छ ।
बिनासै हुने समय आए जस्तो पो लाको छ । ६ ।
हरि शर्मा(सुवेदी)
गलकोट- नुवाकोट, बाग्लुङ, नेपाल
हाल: मिसिगन अमेरिका
