मनाङको नार्पाभूमि गाउँपालिका–५ स्थित हिम्लुङ हिमालमा आइतबार बिहान हिमपहिरो गएको छ। हिमपहिरोमा परेर मानवीय क्षति भएको आशंका गरिएको छ।
सशस्त्र प्रहरीका अनुसार हिमाल आरोहणका लागि गएका २२ जनामध्ये करिब एक दर्जन व्यक्ति सम्पर्कविहीन भएको हुन सक्ने अनुमान गरिएको छ। टोलीमा ९ जना पर्वतारोही र १३ जना सहयोगी स्टाफ रहेका थिए।
हिमपहिरोपछि उनीहरूको अवस्थाबारे स्पष्ट जानकारी प्राप्त हुन सकेको छैन। खोज तथा उद्धारका लागि काठमाडौंबाट हेलिकप्टर मनाङ पठाइएको छ।
सशस्त्र प्रहरीले घटनामा भएको मानवीय तथा भौतिक क्षतिबारे यकिन विवरण आउन बाँकी रहेको जनाएको छ। उद्धार टोली घटनास्थलतर्फ परिचालन हुने तयारीमा छ।
