नेपालको प्रिमियम ब्यूटी ब्रान्ड बेलो ब्लस स्टुडियोले काठमाडौंमा नयाँ प्रिमियम ब्यूटी स्टुडियो सञ्चालनमा ल्याएको घोषणा गरेको छ। यससँगै कम्पनीले पोखराको लेकसाइड र न्युरोडपछि आफ्नो सेवा राष्ट्रिय स्तरमा विस्तार गरेको जनाएको छ। नयाँ स्टुडियोमार्फत प्रिमियम नेल आर्ट, म्यानिक्योर, पेडिक्योर, नेल तथा ल्यास एक्सटेन्सनलगायत अन्तर्राष्ट्रियस्तरका सौन्दर्य सेवा प्रदान गरिनेछ।
कम्पनीले बेलो ब्लस एकेडेमीमार्फत सौन्दर्य शिक्षामा पनि योगदान दिँदै आएको छ र निकट भविष्यमा काठमाडौंमा पनि एकेडेमी सञ्चालन गर्ने योजना सार्वजनिक गरेको छ। सन् २०२१ मा प्रिया गुरुङले घरको सानो कोठाबाट सुरु गरेको बेलो ब्लस अहिले पोखरा र काठमाडौंमा विस्तार भई नेपालको उदाउँदो प्रिमियम ब्यूटी ब्रान्डका रूपमा स्थापित हुँदै गएको कम्पनीले जनाएको छ।
